ბოლნისის მუნიციპალიტეტში, საგზაო ინფრასტრუქტურული ობიექტების მშენებლობა აქტიურად მიმდინარეობს. მუნიციპალიტეტის მერმა დავით შერაზადიშვილმა, პირველ მოადგილესთან, ბუბა გობეჯიშვილთან, ბოლნისის მუნიციპალიტეტის საკრებულოს თავმჯდომარის პირველ მოადგილესთან, გიორგი მირიანაშვილთან და ინფრასტრუქტურის სამსახურის უფროსთან კონსტანტინე კორძაძესთან ერთად, სოფლების: სამტრედოს, მამხუტისა და ზემო არქევანის შიდა გზები მოინახულა.
სოფელ ზემო არქევანში, სამტრედოსა და მამხუტში საავტომობილო შიდა გზები, სანიაღვრე ქსელებით მოეწყო. სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.
