პროექტი „ინტელექტის დღე 2016“ იწყება

0

4444სპორტისა და ახალგაზრდობის საქმეთა სამინისტრო, განათლებისა და მეცნიერების სამინისტრო და ინტელექტ-კლუბი „რა, სად, როდის?“ საქართველოს სკოლის მოსწავლეებს იწვევს ერთობლივ პროექტ „ინტელექტის დღე 2016“-ში მონაწილეობის მისაღებად.

საქართველოს ჩემპიონატი სკოლის მოსწავლეთა შორის ინტელექტუალურ თამაშში „რა? სად? როდის?“ –  „ინტელექტის დღე-2016“  წელს უკვე მეხუთედ იმართება. ყველაზე მასშტაბური ინტელექტუალური პროექტის პირველი  ეტაპი წიგნის მსოფლიო დღეს – შაბათს, 23 აპრილს 13:00 სთ-ზე, საქართველოს 73 მუნიციპალურ/რაიონულ ცენტრში ერთდროულად აიღებს სტარტს და გუნდები 24 კითხვისაგან შემდგარ პაკეტზე ითამაშებენ.

პროექტში მონაწილეობის მიღება შეუძლია საქართველოს ნებისმიერი ზოგადსაგანმანათლებლო (კერძო თუ საჯარო) სკოლის გუნდს. სკოლიდან რეგისტრირდება მხოლოდ 1 გუნდი.

მუნიციპალური ეტაპის გამარჯვებული სკოლები გავლენ ფინალში და ერთმანეთს 15 მაისს 13:00-ზე თბილისში დაუპირისპირდებიან.

3 საუკეთესო გუნდის ყველა ძირითადი მოთამაშე მიიღებს პრიზებსა და დიპლომებს!

პროექტის გენერალური მხარდამჭერია გამომცემლობა „წიგნები ბათუმში“.

მონაწილეობის მსურველმა სკოლებმა უნდა შეავსონ ონლაინ აპლიკაცია შემდეგ მისამართზე: https://docs.google.com/forms/d/1RJ68MpZbtBfGR3kWvfDw2asvNnWzH0zK_zZ0UH2rmBY/viewform

რეგისტრაციის შედეგები იხილეთ შემდეგ მისამართზე:

https://docs.google.com/forms/d/1RJ68MpZbtBfGR3kWvfDw2asvNnWzH0zK_zZ0UH2rmBY/viewform

დაინტერესებულ სკოლებს გთხოვთ ეწვიოთ პროექტის ფეისბუქის ოფიციალურ გვერდს (https://www.facebook.com/skolebi)


Share.

Comments are closed.