„სკოლა არ გივიწყებთ“ – ღონისძიება პირველ საჯარო სკოლაში

0

12528465_914808281966328_1419643247_o15 მარტს №1 საჯარო სკოლამ ხანდაზმულ პედაგოგებსა და თანამშრომლებს, ვინც უკვე წლებია სკოლაში აღარ მოღვაწეობენ, ულამაზესი საღამო მოუწყო და თითოეული მათგანი იმ სამყაროში დააბრუნა, სადაც წლების  მანძილზე მოღვაწეობდნენ.

ღონისძიებაში სახელწოდებით „სკოლა არ გივიწყებთ“  ყველა ის მოსწავლე იყო ჩართული, ვინც გამოირჩევა ცეკვით, სიმღერით, მხატვრული კითხვით.

ღონისძიებაზე მოწვეულნი იყვნენ სტუმრები საგანმანათლებლო რესურსცენტრიდან, რომლებმაც გულთბილად გაიხსენეს ყველა ის პედაგოგი, ვისთანაც მოუწიათ მუშაობა.

ღონისძიების იდეის ავტორი და სულისჩამდგმელი სკოლის დირექტორი ქალბატონი ირმა წაქაძე იყო, რომელიც 14 წლის წინ ასეთივე ღონისძიებით მოეფერა ხანდაზმულ პედაგოგებს.

„ეს იდეა 14 წლის წინ დაიბადა, მაშინ დირექტორის მოადგილე ვიყავი. ძალიან თბილი საღამო იყო და  წლების შემდეგ. ყველას კარგად ახსენდებოდა ის პედაგოგები, რომლებიც მაშინ მოვიწვიეთ, უმეტესობა ცოცხალი აღარ არის. დღევანდელი ღონისძიებაც სწორედ ამას ისახავდა მიზნად, რომ კიდევ ერთხელ მოვფერებოდით იმ  ამაგდარ ადამიანებს, ვინც წლობით ემსახურა ჩვენს სკოლას. ღონისძიება შედგა, ძალიან კმაყოფილი ვარ. ასევე 70 წლის იუბილე მივულოცეთ ნუნუ ტატუაშვილს. კიდევ ერთხელ ვულოცავ მას იუბილეს და ვუსურვებ დიდხანს სიცოცხლეს“. -აღნიშნა №1 საჯარო სკოლის დირექტორმა ირმა წაქაძემ.

12422403_914808228633000_683254549_o 12476795_914808231966333_1551933951_o 12823067_914808225299667_1321564095_o


Share.

Leave A Reply