„სიონი“ თურქულ შეკრებაზე 5 ამხანაგურ მატჩს გამართავს

0

12473638_1092437327433730_7492947337761581266_oბოლნისის საფეხბურთო კლუბმა  მეორე წრისთვის მზადება 10 იანვარს დაიწყო და თურქეთში გამგზავრებამდე ორი ამხანაგური შეხვედრა გამართა.

საფეხბურთო კლუბი „სიონი“ თურქეთში პირველ თებერვალს გაემგზავრება და ხუთ ამხანაგურ მატჩს ჩაატარებს.

პირველი თამაში 4 თებერვალს გაიმართება, სადაც  „სიონი“ რუმინეთის უმაღლესი ლიგის გუნდს „კრაიოვას“ დაუპირისპირდება.

ვარლამ კილასონია, საფეხბურთო კლუბ „სიონის“ მთავარი მწვრთნელი:

-პირველი წრის შემდეგ, თასის ნახევარფინალმა, მეოთხე ადგილმა, მათი ენთუზიაზმი აამაღლა და ფეხბურთელები დიდი მონდომებით გამარჯვებაზე ორიენტირებულები არიან. სამწუხაროდ, ჯერ-ჯერობით ტრავმების გამო გუნდთან ვარჯიშს რამდენიმე ფეხბურთელი ვერ ახერხებს. გვყავს ოთხი ახალწვეული, მთლიანობაში გუნდი დიდი შემართებითაა. თურქულ შეკრებაზე „სიონი“ ხუთ ამხანაგურ მატჩს გამართავს:

4 თებერვალს „სიონი“ რუმინეთის უმაღლესი ლიგის გუნდს „კრაიოვას“ შეხვდება.

6 თებერვალს „სიონი“ სავარაუდოდ „ვიბრუსს“ ან დანიის უმაღლესი ლიგის ერთ-ერთ ძლიერ გუნდს გაეჯიბრება.

9 თებერვალს ოდესის „ჩერნომორეცს“, 11 თებერვალს დანიის „ოლბორგს“, ხოლო 12 თებერვალს ყაზახეთის „აქტობეს“ დაუპირისპირდება.

გუნდი საქართველოში 13 თებერვალს დაბრუნდება.


Share.

Leave A Reply