ბაირამ აბასოვს მუნიციპალიტეტის ხელმძღვანელობამ დაბადების დღე მიულოცა

0

886949_1093740657353719_1822356269754898209_oსოფელ ტალავერის N2 საჯარო სკოლაში დღეს რუსული ენისა და ლიტერატურის პედაგოგის ბაირამ აბასოვის საიუბილეო ღონისძიება გაიმართა. ღვაწლმოსილ პედაგოგს წელს დაბადებიდან 65, ხოლო პედაგოგიური მოღვაწეობიდან 45 წელი შეუსრულდა. საპატიო მასწავლებელს ღირსშესანიშნავი თარიღები ბოლნისის მუნიციპალიტეტის გამგებელმა გოგი მეშველიანმა, ბოლნისის მუნიციპალიტეტის საკრებულოს თავმჯდომარემ თამაზ ჟორჟოლიანმა, საკრებულოს ფრაქცია ,,ქართული ოცნების” თავმჯდომარემ ნუკრი ანდრიაძემ და ბოლნისის საგანმანათლებლო რესურსცენტრის ხემლძღვანელმა იამზე სვანიძემ მიულოცეს.
ბაირამ აბასოვი წარმატებული პედაგოგიური მოღვაწეობის პარალელურად არის ბოლნისის მუნიციპალიტეტის 2014 წლის მოწვევის საკრებულოს წევრი კოალიცია ,,ქართული ოცნებიდან“, ასევე დაჯილდოვებულია ღირსების ორდენით.
პედაგოგებმა და შეკრებილმა სტუმრებმა ბაირამ აბასოვის წლების მანძილზე გაწეული ღვაწლი შეაფასეს.
ბოლნისის მუნიციპალიტეტის გამგებელმა იუბილარ პედაგოგს საჩუქრად წიგნები: ,,ვეფხისტყაოსანი“, ,,საქართველოს 100 მუზეუმი“, ,,საქართველო” გადასცა და მომავალი წარმატებები უსურვა.


Share.

Comments are closed.