საბავშვო ბაღების რეაბილიტაციის პროცესი დასასრულს უახლოვდება

ბოლნისის მუნიციპალიტეტის ოთხი საბავშვო ბაღის აღსაზრდელები ახალ გარემოში განაახლებენ სასწავლო-აღმზრდელობით პროცესს. რეგიონული განვითარების ფონდიდან დაფინანსებული საბავშვო ბაღების რემონტი აქტიურ ფაზაში შევიდა. ქ. ბოლნისის N1, N6, სოფელ ქვეშისა და დაბა თამარისის ბაღებში ძირითადი სამუშაოები დასრულებულია. სრულად შეიცვალა სახურავი, იატაკი, კარ-ფანჯარა, დამონტაჟდა ცენტრალური გათბობა და კეთილმოეწყო ეზოს შიდა პერიმეტრი. სარემონტო სამუშოები ოთხივე ბაღში სექტემბრის შუა რიცხვებში დასრულდება. მიმდინარე პროცესი ბოლნისის მუნიციპალიტეტის გამგებელმა გოგი მეშველიანმა უკვე რამდენჯერმე მოინახულა.