ბოლნისის მუნიციპალიტეტის ხელმძღვანელობამ პატარებს ბავშვთა დაცვის საერთაშორისო დღე მიულოცა

0

11311914_796955950419149_1156870493_nკულტურისა და დასვენების პარკში  ბავშვთა დაცვის საერთაშორისო დღისადმი მიძღვნილი ღონისძიება ჩატარდა. კონცერტი საბავშვო ბაღების აღსაზრდელებმა გახსენს, შემდეგ კი  სცენა ანსამბლ „იმედს“ დაუთმეს.

ბოლნისის მუნიციპალიტეტის გამგებლის პირველმა მოადგილემ და ქვემო ქართლის  გუბერნატორის მოადგილემ ბავშვებს ეს ლამაზი დღე მიულოცეს და მათთან ერთად სამახსოვრო სურათები გადაიღეს.

თოჯინების თეატრმა პატარა მაყურებლებისთვის  წითელქუდას ზღაპარი წარმოადგინა.

ნუგზარ სალია, ქვემო ქართლში სახელმწიფო რწმუნებული -გუბერნატორის მოადგილე:

– ყველა ბავშვს ვულოცავ დღევანდელ დღეს. მინდა ეს პატარები იყვნენ ბედნიერები და იზრდებოდნენ წარმატებულ ქვეყანაში.  მომავალ თაობაზე უნდა ზრუნავდეს თითოეული მოქალაქე და ყველა თანამდებობის პირი,  ჩვენი ცხოვრება პირველ რიგში მათი კეთილდღეობისკენ უნდა იყოს მიმართული.

დავით შერაზადიშვილი, ბოლნისის მუნიციპალიტეტის გამგებლის პირველი მოადგილე:

– ყველას გილოცავთ ნინოობის დღესასწაულს და ბავშვთა დაცვის საერთაშორისო დღეს. არაჩვეულებრივი ღონისძიებაა, ერთობიან პატარები, ძალიან  გვსიამოვნებს მათი  ბედნიერი სახეების  ყურება.  არამარტო 1 ივნისი, არამედ ყოველი დღე უნდა მივუძღვნათ ბავშვებს. ჩვენი ვალია  ვიზრუნოთ მათ კეთილდღეობაზე.

11272000_796956283752449_1659207224_n 11356145_796956377085773_1044981002_n 11329591_796956260419118_1041183219_n 11311677_796956003752477_1656721194_n 11292766_796956393752438_114031097_n 11297905_796956187085792_2054917869_n 11267911_796956220419122_1604020404_n


Share.

Comments are closed.