29 აპრილს პროექტის „ცოცხალი წიგნები“ ფარგლებში ბოლნისს ქართველი მწერლები ეწვევიან

0

kultsam-cr-739x42827 აპრილს, საქართველოს კულტურისა და ძეგლთა დაცვის სამინისტროს მხარდაჭერით, ლიტერატურულ-საგანმანათლებლო პროექტის „ცოცხალი წიგნები“ ფარგლებში  თანამედროვე ქართველი მწერლების 5 კაციანი მობილური ჯგუფი ქვემო ქართლს ესტუმრება. ჯგუფის შემადგენლობაში არიან: ბათუ დანელია, მაკა მიქელაძე, გია არგანაშვილი, ნინო ქადაგიძე და თამრი ფხაკაძე.

„ცოცხალი წიგნები“  საქართველოს კულტურისა და ძეგლთა დაცვის სამინისტროს ლიტერატურულ-საგანმანათლებლო პროექტია და გულისხმობს საქართველოს სხვადასხვა რეგიონის სოფლებისა და ქალაქების საჯარო სკოლებში, ბიბლიოთეკებში, მუზეუმებში, კულტურის სახლებსა და სხვა საჯარო დაწესებულებებში თანამედროვე მწერლების სტუმრობას და მკითხველთან შეხვედრას. პროექტის ფარგლებში ეწყობა პოეზიის საღამოები და იმართება დისკუსიები ადგილობრივ მოსახლეობასთან მათთვის საინტერესო თემებზე.

მწერლები სტუმრობენ რეგიონის საპატიო, ხანდაზმულ, შეზღუდული შესაძლებლობის მქონე პირებს, ბაშვთა სახლებს, საჯარისო-სამხედრო ნაწილებს, სასჯელაღსრულებით დაწესებულებებს. შეხვედრები იმართება არაქართულენოვან მოსახლეობასთანაც. რეგიონებში ვიზიტისას, მწერლები ასევე ზრუნავენ ნიჭიერი ადგილობრივი შემოქმედების გამოვლენაზე.

პროექტში აქტიურად არის ჩართული საგამომცემლო სექტორიც. ეწყობა ლოკალური წიგნის ბაზრობები – მწერლები თავად გვევლინებიან გამავრცელებლების როლში. თავიანთ საავტორო წიგნებთან ერთად, ისინი პოპულარიზაციას უწევენ კოლეგების შემოქმედებასაც.  რეგიონებში ვიზიტის პერიოდში, მწერლები აწარმოებენ დღიურებს და ჩანაწერებს, რომლის მიხედვითაც, პროექტის დასრულების შემდეგ გამოიცემა წიგნი „მწერლის დღიურები“.

პროექტი 4 ეტაპად ხორციელდება;  წლის განმავლობაში, მასში მონაწილეობას მიიღებს სულ 75 მწერალი. პირველი შეხვედრა შიდა ქართლის რეგიონში გაიმართა. მომდევნო შეხვედრა 27-30 აპრილს  ქვემო ქართლის რეგიონში, კერძოდ –  წალკაში, თეთრიწყაროში, დმანისში, ბოლნისსა და მარნეულში გაიმართება.

განრიგი:

ქვემო ქართლის რეგიონი

I დღე  – 27 აპრილი

წალკა –  13:00 სთ  –  კულტურის ცენტრი

თეთრიწყარო – 17:00 სთ – გამგეობის შენობა

II დღე -29 აპრილი

დმანისი – 13:00 სთ – კულტურის ცენტრი

ბოლნისი – 16:30 სთ – კულტურის სახლის მიმდებარე ტერიტორია (სკვერში)

III დღე – 30 აპრილი

მარნეული – 13:00 სთ- დემოკრატიული ჩართულობის ცენტრი. (გიორგაძის ქუჩა – საქართველოს ბანკთან ხელმარცხნივ, 5 სართულიანი სახლის ქვეშ)

რუსთავი – 17:00 სთ- საბიბლიოთეკო გაერთიანების ცენტრალური ოფისი (შარტავას 11).

 


Share.

Leave A Reply