ბოლნისის სარეაბილიტაციო ცენტრს თოჯინების თეატრი სტუმრობდა

0

10584153_670846413030104_1023358303_nთოჯინების თეატრი „ძალა ერთობაშია“ ქველმოქმედების მიზნით ბოლნისის მუნიციპალიტეტის სარეაბილიტაციო ცენტრ „განთიადს“ ესტუმრა და ბენეფიციარებს  ზღაპარი „ბეკეკოს თავგადასავალი“ წარუდგინა. მუსიკალურად გაფორმებული 20 წუთიანი გასართობი პროგრამით ბავშვებმა ძალიან ისიამოვნეს, ბოლოს კი ზღაპრის გმირებთან ერთად სამახსოვრო ფოტოებიც გადაიღეს.

თეატრი „ძალა ერთობაშია“ მესამე წელია ფუნქციონირებს, მისი ახალგაზრდა მსახიობები ქალბატონ ნაირა ჯავახიშვილის ხელმძღვანელობით სხვადასხვა გასართობი პროგრამით საქართველოს ყველა მუნიციპალიტეტს სტუმრობენ. თეატრმა უკვე გამართა წარმოდგენები ბოლნისის მუნიცპალიტეტის რამდენიმე საბავშვო ბაღში.

„იმის გამო, რომ ბავშვები არ გადაგვეღალა, ცოტა შეკვეცილი პროგრამით წარმოვადგინეთ „ბეკეკოს თავგადასავალი“, გავაფორმეთ მუსიკალურად და შეძლებისდაგვარად შევეცადეთ გაგველამაზებინა დღევანდელი დღე ამ ბავშვებისთვის.

ჩვენი თეატრი სტუმრობს ყველა რეგიონს, ვატარებთ საქველმოქმედო აქციებს მსგავსი ცენტრებისთვის და როდესაც გავიგეთ, რომ ბოლნისშიც იყო სარეაბილიტაციო ცენტრი, გადავწყვიტეთ მოვსულიყავით, ამ პატარებს ჩვენი გვერდში დგომა ყველაზე მეტად სჭირდებათ“. –აღნიშნა თოჯინების თეატრის ხელმძღვანელმა ნაირა ჯავახიშვილმა.

 

10743396_670846426363436_1205799654_n 10748567_670866266361452_1782159612_n 10748984_670866219694790_1500367516_n 10751564_670846526363426_1201680846_n 10749431_670866289694783_785252378_n 10752002_670846489696763_95713974_n

 


Share.

Comments are closed.