ბოლნისის მუნიციპალიტეტში სოფლის მხარდაჭერის პროგრამით ჩასატარებელი სამუშაოების ნუსხა რეგიონალური განვითარებისა და ინფრასტრუქტურის სამინისტროს გადაეგზავნა დასამტკიცებლად

ბოლნისის მუნიციპალიტეტის ინფრასტრუქტურის სამსახურს მზად აქვს რეგიონალური განვითარებისა და ინფრასტრუქტურის სამინისტროსთან შესათანხმებელი ნუსხა, რომლის დამტკიცებისთანავე გაფორმდება ხელშეკრულება საპროექტო ორგანიზაციებთან და დაიწყება პროექტების შესყიდვების პროცესი. პროცესის დასრულების შემდეგ მოხდება სამშენებლო სამუშაოების შესყიდვა.

„დიდი ალბათობაა რომ სამინისტრო კორექტირების გარეშე დაგვიმტკიცებს სოფლის განვითარების პროგრამით განსახორციელებელი სამუშაოების ნუსხას“. _ განაცხადა bolnisi.ge-თან ბოლნისის მუნიციპალიტეტის ინფრასტრუქტურის სამსახურის უფროსის მოვალეობის შემსრულებელმა კონსტანტინე კორძაძემ.

ბოლნისის მუნიციპალიტეტში სოფლის მხარდაჭერის პროგრამის ფარგლებში განსახორციელებელი პროექტების შესარჩევად, სოფლის კრებები 26 თებერვალს დაიწყო. ადგილობრივმა ხელმძღვანელობამ 53 სოფლის მაცხოვრებლებთან გამართა კრებები და პრიორიტეტები შეარჩია.

„სოფლის მხარდაჭერის პროგრამის“ ფარგლებში სახელმწიფო ბიუჯეტიდან ადგილობრივი პროექტების განსახორციელებლად 50 მილიონი ლარი გამოიყო. პროგრამით გათვალისწინებული თანხის ფარგლებში მოხდება სოფლების პირველი რიგის  საჭიროებების დაკმაყოფილება. 2014 წელს ბოლნისის მუნიციპალიტეტის სოფლებს 1 266 940 ლარი მოხმარდება.

სოფლის მხარდაჭერის პროგრამით განსახორციელებელი პროექტების შეთანხმების ცხრილი