Fair Play-ის ათი მაგალითი

0

ლადო ბურდული: “ვიცოდით სად მოვდიოდით. დარწმუნებული ვიყავი, რომ რთული თამაში იქნებოდა. წინა თამაშების შედეგებიც ვიცოდით. წინ რთული თამაშები გვაქვს. დინამოს მადლობას ვუხდი. ამ კლუბში წლები ვითამაშე და დღემდე მისი გულშემატკივარი ვარ. Fair Play-ს წესების დაცვისთვის, მეტოქეს მადლობას ვუხდი”. (ვიდეო)

დღეს ბოლნისის „სიონსა” და თბილისის „დინამოს” მატჩის დროს მომხდარ შემთხვევას სოციალურ ქსელში დიდი გამოხმაურება მოჰყვა. ეგრეთწოდებული Fair Play-ს წესი ზოგმა კურიოზად აღიქვა. აქედან გამომდინარე, შევეცადეთ მოგვეძიებინა მსგავსი მაგალითები. გთავაზობთ გაზეთ 24 საათში 2012 წელს გამოქვეყნებულ მასალას, რომელიც აღნიშნული წესის გამოყენების რამდენიმე ცნობილ მაგალითზე მოგვითხრობს.

Fair Play ანუ პა­ტი­ო­სა­ნი თა­მა­ში თა­ნა­მედ­რო­ვე ფეხ­ბურ­თის გა­ნუ­ყო­ფელ ნა­წი­ლად იქ­ცა.

Fair Play-ის ათი მაგალითი  (გაზეთი 24 საათი 24.09.12)

ახ­ლა ძნე­ლი წარ­მო­სად­გე­ნია, რომ ვინ­მემ თა­მა­ში გა­აგ­რ­ძე­ლოს, რო­ცა მე­ტო­ქე ტრავ­მას იღებს. ამას წი­ნათ კი ინ­გ­ლი­სურ პრე­მი­ერ ლი­გა­ში ერთ-ერ­თი გუნ­დის მე­კა­რემ შე­სა­შუ­რი ჯენ­ტ­ლ­მე­ნო­ბა გა­მო­ი­ჩი­ნა – მსაჯს მე­ტო­ქე გუნ­დის ფეხ­ბურ­თე­ლის­თ­ვის ყვი­თე­ლი ბა­რა­თი არ მი­ა­ცე­მი­ნა. ამას­თან და­კავ­ში­რე­ბით შე­გახ­სე­ნებთ Fair Play-ს ათ ყვე­ლა­ზე და­სა­მახ­სოვ­რე­ბელ შემ­თხ­ვე­ვას. და­ვიწყებთ სწო­რედ ინ­გ­ლი­სე­ლი მე­კა­რით.

სტივ ჰარ­პე­რი, “ნი­უ­კას­ლი” (2012)

ინ­გ­ლი­სუ­რი პრე­მი­ერ ლი­გის მე­ოთხე ტურ­ში “ნი­უ­კას­ლი­სა” და “ევერ­ტო­ნის” მატ­ჩ­ში “კაჭ­კა­ჭე­ბის” მე­კა­რემ, სტივ ჰარ­პერ­მა, არ­ბიტ­რი და­არ­წ­მუ­ნა, რომ “ევერ­ტო­ნის” ფეხ­ბურ­თელ ვიქ­ტორ ანი­ჩე­ბეს­თ­ვის ყვი­თე­ლი ბა­რა­თი არ ეჩ­ვე­ნე­ბი­ნა. მსაჯ­მა ანი­ჩე­ბე სწო­რედ ჰარ­პერ­თან უხე­ში თა­მა­შის­თ­ვის და­ა­ჯა­რი­მა. “ნი­უ­კას­ლის” მე­კა­რეს უკ­ვე მი­ღე­ბუ­ლი აქვს მსა­ჯის ლი­ცენ­ზია და კა­რი­ე­რის დას­რუ­ლე­ბის შემ­დეგ არ­ბიტ­რო­ბას აპი­რებს.

იან ვერ­ტონ­გე­ნი (“აიაქ­სი”)

“აიაქ­სის” ახალ­გაზ­რ­დუ­ლი გუნ­დის წევ­რი იან ვერ­ტონ­გე­ნი 2006 წელს სულ მთლად ახალ­გაზ­რ­და იყო და ამ­ს­ტერ­და­მუ­ლი კლუ­ბის ახალ­გაზ­რ­დულ გუნ­დ­ში თა­მა­შობ­და. ერთ-ერთ მატ­ჩ­ში ვერ­ტონ­გენ­მა, Fair Play-ის წე­სე­ბის თა­ნახ­მად, გა­დაწყ­ვი­ტა, ბურ­თი მე­ტო­ქის­თ­ვის და­ებ­რუ­ნე­ბი­ნა, მაგ­რამ იმ­დე­ნად ძლი­ე­რად და­არ­ტყა, რომ თა­ვი­სი მო­ედ­ნი­დან გა­ი­ტა­ნა გო­ლი. ახალ­გაზ­რ­და ფეხ­ბურ­თელს ის­ღა დარ­ჩე­ნო­და, გაკ­ვირ­ვე­ბის­გან ხე­ლე­ბი გა­ე­შა­ლა, ხო­ლო “აიაქ­სის” ფეხ­ბურ­თე­ლებ­მა მე­ტო­ქეს ან­გა­რი­შის გა­თა­ნაბ­რე­ბის სა­შუ­ა­ლე­ბა მის­ცეს.

პა­ო­ლო დი კა­ნიო, “ვესტ ჰე­მი” (2000)

სკან­და­ლუ­რად ცნო­ბი­ლი ფორ­ვარ­დი ჯენ­ტ­ლ­მე­ნუ­რი საქ­ცი­ე­ლით გა­მო­ირ­ჩე­ო­და. “ევერ­ტონ­თან” მატ­ჩ­ში დი კა­ნი­ომ და­ი­ნა­ხა, რომ მე­ტო­ქის მე­კა­რემ ტრავ­მა მი­ი­ღო და ცა­რი­ელ კარ­ში გო­ლი არ გა­ი­ტა­ნა. იტა­ლი­ელ­მა ბურ­თი ხელ­ში აიღო და მსაჯს სთხო­ვა, თა­მა­ში გა­ე­ჩე­რე­ბი­ნა. იმ წელს დი კა­ნი­ომ ფი­ფას ხელ­მ­ძღ­ვა­ნე­ლე­ბის­გან Fair Play-ს პრი­ზი მი­ი­ღო. იმ კად­რებ­მა კი მთე­ლი მსოფ­ლიო შე­მო­ი­ა­რა.

არ­სენ ვენ­გე­რი, “არ­სე­ნა­ლი” (1999)

ინ­გ­ლი­სის თა­სის გა­თა­მა­შე­ბა­ში “არ­სე­ნა­ლი” “ჰა­ი­ბე­რი­ზე” “შე­ფილდს” ეთა­მა­შე­ბო­და და 2:1 გა­ი­მარ­ჯ­ვა. თით­ქოს არა­ფე­რი, მაგ­რამ მატ­ჩის შემ­დეგ ვენ­გე­რი მი­ვი­და მე­ტო­ქე გუნ­დის მთა­ვარ მწვრთნელ სტივ ბრი­უს­თან და შეხ­ვედ­რის გა­და­თა­მა­შე­ბა შეს­თა­ვა­ზა. საქ­მე ის არის, რომ “მე­თო­ფე­თა” მე­ო­რე გო­ლი Fair Play-ს წე­სე­ბის დარ­ღ­ვე­ვით გა­ვი­და. “შე­ფილ­დის” ფეხ­ბურ­თე­ლებ­მა ბურ­თი გან­გებ გა­და­აგ­დეს მინ­დ­ვ­რის ფარ­გ­ლებს გა­რეთ, რა­თა თა­მა­ში შე­ე­ჩე­რე­ბი­ნათ და ტრავ­მი­რე­ბუ­ლი ფეხ­ბურ­თე­ლის­თ­ვის დახ­მა­რე­ბა აღ­მო­ე­ჩი­ნათ. წე­სით, “არ­სე­ნალს” აუტი­დან შე­მო­ტა­ნი­ლი ბურ­თი მე­ტო­ქის­თ­ვის უნ­და და­ებ­რუ­ნე­ბი­ნა, მაგ­რამ, რო­გორც ჩანს, ნვან­კ­ვო კა­ნუს­თ­ვის Fair Play-ს წე­სე­ბი უცხო იყო და ნი­გე­რი­ელ­მა გო­ლი შე­აგ­დო. ინ­გ­ლი­სის ფეხ­ბურ­თის ასო­ცი­ა­ცი­ამ ვენ­გე­რის თხოვ­ნა და­აკ­მა­ყო­ფი­ლა და ათი დღის შემ­დეგ გუნ­დე­ბი კვლავ შეხ­ვ­დ­ნენ ერ­თ­მა­ნეთს. “არ­სე­ნალ­მა” მე­ო­რე მატ­ჩიც 2:1 მო­ი­გო.

რო­ბი ფა­უ­ლე­რი, “ლი­ვერ­პუ­ლი” (1997)

ეს ეპი­ზო­დიც “ჰა­ი­ბე­რი­ზე” მოხ­და. “არ­სე­ნა­ლი­სა” და “ლი­ვერ­პუ­ლის” მატ­ჩ­ში რო­ბი ფა­უ­ლერ­მა ოს­ტა­ტუ­რად აუარა გვერ­დი “მე­თო­ფე­თა” მცველს და სა­ჯა­რი­მო­ში შე­იჭ­რა. მას დე­ვიდ სი­მენ­მა გა­და­უჭ­რა გზა. რო­ბი და­ე­ცა, მსაჯ­მა კი და­უ­ყოვ­ნებ­ლივ და­ნიშ­ნა პე­ნალ­ტი. მსა­ჯის გა­დაწყ­ვე­ტი­ლე­ბა პირ­ველ­მა ფა­უ­ლერ­მა გა­აპ­რო­ტეს­ტა. რო­ბიმ უთხ­რა მსაჯს, რომ თა­მა­შის წე­სე­ბი არ დარ­ღ­ვე­უ­ლა, მაგ­რამ არ­ბიტ­რ­მა გა­დაწყ­ვე­ტი­ლე­ბა არ შეც­ვა­ლა.

ნიშ­ნულ­თან ფა­უ­ლე­რი მი­ვი­და. სი­მენ­მა პე­ნალ­ტი მო­ი­გე­რია, მაგ­რამ “ლი­ვერ­პუ­ლის” ფეხ­ბურ­თე­ლებ­მა კარ­გად ითა­მა­შეს და გო­ლი მა­ინც გა­ვი­და. მატ­ჩის შემ­დეგ ფა­უ­ლე­რი ამ­ტ­კი­ცებ­და, რომ პე­ნალ­ტი გან­გებ არ გა­უ­ფუ­ჭე­ბია.

და­ნი­ე­ლე დე რო­სი, “რო­მა” (2006)

“რო­მა” “მე­სი­ნას­თან” მატჩს ან­გა­რი­შით 0:1 აგებ­და. ერთ ეპი­ზოდ­ში და­ნი­ე­ლე დე რო­სიმ ან­გა­რი­ში გა­ა­თა­ნაბ­რა, თუმ­ცა, ბურ­თი ხე­ლით გა­ის­წო­რა. მსაჯ­მა ეს ვერ შე­ნიშ­ნა და გო­ლი ჩათ­ვა­ლა. დე რო­სი მი­ვი­და არ­ბიტ­რ­თან და უთხ­რა, რომ თა­მა­შის წე­სე­ბი და­არ­ღ­ვია. მსაჯ­მა გო­ლი გა­ა­უქ­მა.

კოს­ტინ ლა­ე­რი, ბუ­ქა­რეს­ტის “რა­პი­დი” (2009)

“რა­პი­დი­სა” და “ოცე­ლუ­ლის” თა­მაშ­ში ლა­ე­რის მო­ცელ­ვის­თ­ვის მას­ჯ­მა პე­ნალ­ტი და­ნიშ­ნა. “რა­პი­დის” ფორ­ვარ­დ­მა მი­ირ­ბი­ნა მსაჯ­თან და უთხ­რა, რომ თა­მა­შის წე­სე­ბი არ დარ­ღ­ვე­უ­ლა და პე­ნალ­ტიც გა­უქ­მ­და. და­ი­ნიშ­ნა სა­და­ვო გდე­ბა. ლა­ერ­მა ბურ­თი პი­რით ხაზს უკან გა­და­აგ­დო. ან ლა­ე­რია მე­ტის­მე­ტად პა­ტი­ო­სა­ნი, ან რო­დე­საც შე­ნი გუნ­დი ან­გა­რი­შით 2:0 ამარ­ცხებს მე­ტო­ქეს, ჯენ­ტ­ლ­მე­ნო­ბა ძა­ლი­ან ად­ვი­ლია.

ვი­ტო­რიო ეს­პო­ზი­ტო, “ტერ­მო­ლი” (2012)

იტა­ლი­ის სა­მოყ­ვა­რუ­ლო თა­სის გა­თა­მა­შე­ბა­ში “ტერ­მო­ლი­სა” და “ტო­რე­სის” მატ­ჩის ბო­ლო წუთ­ზე “ტერ­მო­ლის” ფორ­ვარ­დ­მა პე­ნალ­ტის დარ­ტყ­მის უფ­ლე­ბა მო­ი­პო­ვა. “ტო­რე­სის” ფეხ­ბურ­თე­ლე­ბი დიდ­ხანს აპ­რო­ტეს­ტებ­დ­ნენ ამ პე­ნალტს. ეს­პო­ზი­ტო კი მშვი­დად ადევ­ნებ­და თვალს მოვ­ლე­ნებს. ბო­ლოს მე­ტო­ქის კი­დევ უფ­რო გა­დავ­ლა არ ისურ­ვა (“ტერ­მო­ლი” ისე­დაც იგებ­და მატჩს) და ბურ­თი გან­გებ ააცი­ლა კარს.

“ბარ­სე­ლო­ნას” ფეხ­ბურ­თე­ლე­ბი (2011)

“ბარ­სე­ლო­ნა­სა” და “ეს­პა­ნი­ო­ლის” ახალ­გაზ­რ­დუ­ლი გუნ­დე­ბის მატ­ჩ­ში “ეს­პა­ნი­ო­ლის” მე­კა­რემ ტრავ­მა მი­ი­ღო, “ბარ­სას” ფეხ­ბურ­თელ­მა ხუ­ლიო მარ­ტი­ნეს­მა კი სა­კუ­თა­რი მო­ედ­ნი­დან გა­ი­ტა­ნა გო­ლი. “ბარ­სას” მწვრთნელ­მა თა­ვის ფეხ­ბურ­თე­ლებს უხ­მო და უთხ­რა, რომ გო­ლი არას­წო­რად იყო გა­ტა­ნი­ლი და სა­ჭი­როა მე­ტო­ქეს ან­გა­რი­შის გა­თა­ნაბ­რე­ბის სა­შუ­ა­ლე­ბა მი­ე­ცეს.

იგორ ნე­ტო, სსრკ (1962)

სსრკ ნაკ­რე­ბის კა­პი­ტან­მა იგორ ნე­ტომ 1962 წლის მუნ­დი­ალ­ზე მსაჯს უთხ­რა, რომ საბ­ჭო­ე­ლე­ბის მი­ერ ურუგ­ვა­ის ნაკ­რე­ბის კარ­ში გა­ტა­ნი­ლი გო­ლი არ უნ­და ჩათ­ვ­ლი­ლი­ყო, რად­გან ბურ­თი კარ­ში გა­რე­დან შე­ვი­და (ბა­დე გა­ხე­უ­ლი იყო). მსაჯ­მა გო­ლი გა­ა­უქ­მა, სსრკ-ის ნაკ­რებ­მა კი ის მატ­ჩი მა­ინც მო­ი­გო.

წყარო: http://24saati.ge/index.php/category/sport/2012-09-24/32146.html


Share.

Comments are closed.